روتين ليوم واحد للحوريات فقط!

العنايه بالشعر يمشي بخط موازي للعنايه بالبشره
بمعنى لو كنتِ تسوين خطوه لشعرك للاهتمام فيه لازم وضروري بنفس الوقت تسوي شيء مماثل لوجهك او جسمك ...
وبهالشكل تختصري ع نفسك الوقت والجهد, خاصة اذا ادركنا ان معظم قناعات Masks الوجه مقاربه لمكوناتها في الشعر..
المهم رح اكتب لك روتيني ليوم واحد وتقدري تطبقيه لمدة ثلاثة اسابيع ع اساس مره في الاسبوع وانا افضلها في نهاية الاسبوع ..


المطلوب:



آلة البخار Vapor machine : وهي اساسيه سواء للشعر او البشره
حجمها مو كبير مره وممكن تخزينها بس اكيد مو في الغرفه او الحمام!
هذي اشتريتها تقريبا بـ 250 ريال ومره مرتاحه معاها.

بالنسبه للعنايه بالشعر محتاجين:


- نبات الاملج(تلاقيه عند العطار) ولونه اسود وطلبت من العطار يطحنه.

- زيت النارجيل الاصلي.

- زيت النارجيل الخفيف الابيض(براشوت).

- زيوت مخلوطه (يعني اي زيت متوفر عندك واذا اخترتي زيت الزيتون ماتحطي كميه كبيره منه).
- 3فصوص ثوم
- صفار بيضه
- عسل
قناع الوجه:


- عسل
- بيضه(صفار فقط اذا بشرتك جافه او بياض فقط اذا دهنيه واذا بشرتك عاديه صفار وبياض)
- حليب بودره
- ترمس مطحون


للجسم :


- صابون مغربي
- اسفنجة الجسم
نجي للشغل:


الخطوه الاولى:


اول شيء نفتح علبة زيت النارجيل المعدنيه ونخفف من كمية الزيت اللي فيه للنص تقريبا ونضيف كل من( الزيوت المخلوطه اللي اخترناها+ فصوص ثوم بعد تقطيعها+ اربع ملاعق كبيره نبات الاملج) ونحطهم ع نار هاديه ونرج العلبه كل شوي ونتركهم 5-10 دقائق.
بعد مايدفئ نصب كميه من الزيت بعلبة الاستخدام رح تلاقي لونه اسود وريحته ياساتر بسبب النارجيل الاصلي بس الحلا يستاهل الصبر ومثل مايقولوا الجمال له ضريبه.


الخطوه الثانيه:


نخلط مكونات قناع الوجه مع بعض وبفرشاه متوسطه نطلي الوجه والرقبه فيها..
الخطوه الثالثه:
نشغل جهاز البخار ونبتدي بالشعر, نتركه تقريبا نصف ساعه  وفي هالفتره الزيت رح يدخل داخل بصيلات الشعر المفتوحه ويغذيها..
وانتي في هاي المرحله استرخي وفكري بالبحر ولا اسمعي لك شريط مفيد او صلحي اظافرك..


الثالثه:


الان نحط البخار ع الوجه وانا احذرك تحرقي وجهك لان الهدف هو تنظيف الوجه يعني يكفي تحسي برطوبة الماء ورح ينزل مويه ع وجهك طبعا القناع متجمد ع وجهك لكن مع المويه بيكون لين وانتي افركي حبيبات الترمس باطراف اصابعك ع وجهك..


مهم تتذكري ليش ابتدينا بالشعر قبل الوجه ؟ عشان  نعطي المسام تبعية الشعر فرصه تبرد و تتقفل لاني لو غسلت شعري مباشره رح يتساقط الشعر وبهالشكل تضري شعرك وماتنفعيه..


الرابعه :


نغسل الوجه بمويه بارده  عشان تتسكر المسامات تتقفل وهي نظيفه ومتغذيه..
ونغسل شعرنا بشامبو لطيف ...
ونبلل جسمنا بالمويه...

نجفف الشعر بالفوطه من المويه الزايده..
ونبدأ تحضير قناع الشعر..

الخطوه الخامسه:


نجيب الكميه المناسبه من الفاشكول(اي نوع)  ونخلط معاه (زيت براشوت+بيضه+عسل) ونضربهم كويس.. وهاي الخلطه للشعر الجاف..

نروح ع جهاز البخارونتركه ع الشعر 30-20 دقيقه وفي هذا الاثناء..


الخطوه السادسه:


ندهن جسمنا المبلل بالصابون المغربي ونبدتي عملية التقشير..
اما بفرشاه ناعمه او باسفنجه مثل ماتحبي ونقعد طوال وقت تعرض شعرنا للبخار نقشر بجسمنا بالفرشاه او الاسفنجه المبلوله..

وهذا النوع اللي استخدمه

نترك شعرنا يبرد وبعدها ندخل ع البانيو الدافي ونضيف لمويته هذا الجل الروعه

واستمتعي باسترخاء وماتفكري بأي شيء ...
اخيرا
نعيماً يا(حوريه)

للامانه لاحظت شعري ناعم بدون مجفف كهربائي ومافي اي شعرات متطايره مني او مناك بس مو ملبد ولمعته روعه..
وبالنسبه للتقصف مافي دواء في الدنيا له حاليا الا المقص ..

ياريت تطبقون هالنظام وتخبروني رايكم فيه..